احتضني صوتك الدافي الحنون
لمني من اقصاي في لحظة وغاب
احتضني صوتك الهادي يهون
جمع الاهات في شتات السراب
هزني شعور اغرب ما يكون
شيء مع دمي اعرفه فيه ذاب
ايه احبك ايه احبك وبجنون
راسي حبك قبل سن الشباب
الضلوع الضاميه بي يهتفون
يا حبيبي انت يا اجمل عذاب
اسألك بالله جاوب من اكون
وش انا لك لو هو اصعب جواب
ليت شفت اطرافي وهم يرجفون
ارسمك والريشه بيدي ضباب
من على قلبك حبيبي بس يمون
جاوب اللي منك راضي بالسراب
في عيونك هدني كثر الظنون
كم بقى منها سنين الاغتراب
ولذت بدموعي ادور لي جفون
تحتمل دمع سقى حب التراب
الطف بحالي ينظره ما تخون
داو خوف سببه منك ارتياب
لو احاسيسك لدمعي يفهمون
كان ما تبخل علينا بالجواب
الطبعة الاولى