خسارة كنت احسبك غصن كاسيه الغرام اوراق
على بالي ابلقى فيك راحه من معاناتي
الا ليتك تحسين بعناي ولهفة الاشواق
حسبت اني ابلقى من همومي فيك رحاتي
ابي تفسير لافعالك,, غرام وتضحيه وفراق
وابيك تفسرين اشواق قلبي في كتاباتي
وانا ناسيك من اول,, وش اللي جابني منساق
غير عيونك وحكيك ولعبك في قناعاتي
رسمتي لي دروب الحب وجيت بلهفتي مشتاق
وشوّهتي صور كل الحبايب في ملفاتي
كرهت الناس والدنيا كرهت الحب والعشاق
حسبت اني كرهتك وانتي اصلا بين نظراتي
رسمتي لي حلم وردي ويا سرع الحلم ما فاق
اشوفه انقلب كابوس يسعى في نهاياتي
دخيلك لا تعنّيني عذاب البعد ما ينطاق
انا لليوم اشكي منك موتي في بداياتي
صعيبة حالة الفرقى ولو شفتي عذابي فاق
صراحه من عذابي صرت اشوفك في مراياتي
انا وش غلطتي يومك تحرقين الخفوق احراق
وترميني وسط تابوت همي واكتآباتي
انا والله لو تدرين وضعتك داخل الاعماق
وانتي للاسف آخر محطة في مسافاتي
عطيتك كل الاشواق وعطيتك قلبي المشتاق
وصرتي قصة احزان وخذت كل اهتماماتي
الطبعة الاولى