الوقت خبرني على قرب ميعاد

واعدني بجيه وأنا صرت موعده

واعدني همومٍ تجي لي بالأبعاد

وقابلت همي واصبح الهم يسعده

حشد اجموعه والقسا صار يزداد

ليل ظلامه ما يونس مقاعده

أمطر عليّ بدمعة عقب رعاد

في ظلمةٍ ساقت بروقه مراعده

أوما عليّ بنظرته وارسل قياد

وشد الفرح مني وقفى بيبعده

قلت الفرح وينه قال الفرح باد

وأنت الحزين اللي خذيته بساعده

حتى الفرح ما زار في عيد الأعياد

يصرخ بصوته ما لقى من يساعده