عسى السحاب اللي نشأ من مناشيه

يرعد وتقهره الهبوب وتسوقه

يسقي وطن من كن عيني تداعيه

وله صورةٍ من بين رمشي وموقه

خلٍ جرحني جرح يتعب مداويه

وقلبي من الفرقا يباسٍ عروقه

وأصبحت مثل اللي على كف راعيه

يبغى المطير وقاضباته سبوقه

حملي ثقيل وجرح الأعماق مخفيه

ولا أدري متى طعم السعادة نذوقه

مدري متى حظي يجيبه لغاليه

ولا يقول أيس وصعب لحوقه

وأيس اللي كل ما حل طاريه

يفزله قلبٍ وساعٍ فتوقه