لا يا بعد واشي وحامد وزراي

اللي وفت واحبابها ما جفوها

يامالك احساسي وفكري وسلواي

القوم عسرات العلوم عسفوها

ان قمت تسمع كل مبغض وحكاي

كل الورود اليانعات قطفوها

وان قلت لي ياعبيد قل لي وش الراي

هي ورث والا القوم تسلفوها

قلت الك ماهي بس في حماك وحماي

ولابه دليل ضدهم لو نفوها

بيروح ماك وزادك وزادي وماي

ومتنا ظما وارياقنا نشفوها

ظنك تبي تسكت لك اعداك واعداي

لوكان بكتاف الكتوف كتفوها

وما اظن لكن عندي دواك ودواي

وعندي سوالف ما بعد سولفوها

ياسارحة مسراحي اسري بمسراي

القافله تمشي ولا وقفوها