يا سلام الله على أهل المرجلة وأهل الحميا
في قريات العسل,, والشهد ملحه من عسلها
من جنوب الدار جيت بلهفة أشواقي هنيا
شاعر حاول يوفي دين ها الديره واهلها
يا قريات الغلا شوق دعاني قال: هيا
تشهقه روح بحيك ما تطيع اللي عذلها
كم تمنيت الزمان اللي مضى يرجع شويا
يوم انا بجبالك السمرا واغني في سهلها
تذكرين محمد اللي عاش بأحضانك صبيا
نار فرقاك بخفوقه شبها الشوق وشعلها
عاشق صاح بوله: لبيه,, من ذيّا وذيّا
يوم نادته الهنوف اللي عجز يرضى بدلها
وشاعر عادته بحصيده من القبض يتفيا
قال يوم الرشرشية شيحها عانق نفلها
يا قصيدي,, في قريات العسل لو ما تهيا
لا تركتك للملح ,, ما انت بكفو تستاهل عسلها
