لاجيت أبهرب من عيونك ,,, تراجعت
وشلون أبهرب,,, والمسافة عيونك؟
ماهو بكيفي لو عزمت وتشجعت
لو قلت أببعد يقصر العلم دونك
أنا بزعمي عقب ما اخضرت واينعت
باغصان قلبي,, يمهلني طعونك
أثر الغلا زودٍ على ما توقعت
واصدق من الشك الذي في ظنونك
بجنون أحبك لو قسيت,,, وتمنعت
للهم قلبٍ ما يموت,,, بجنونك
حلاوة عمري يوم في دنيتك ضعت
يازين لحظة ضيعتي وسط كونك
ان هل صوتك في شتاتي تجمعت
وانسى ظماي ان ظللتني مزونك
يفداك قلبٍ في عذابه تمتعت
تخون قلبي نبضته قبل اخونك
لا,, لا تقول أني بحبك تسرعت
يا صاحبي يوم اوحشتني ضعونك
نام وتطمن لو شكيت وتوجعت
ماعاد تغري سكة العمر دونك
لاجيت أبهرب من عيونك تراجعت
ياكيف أبهرب والمسافة عيونك
