مدري معك يا زين وشلون ابحتال

مليت من كثر الرجا والتمني

تبعد ولا يبعد خيالك عن البال

تقرب ولا تقرب مشاعرك مني

مرات قدمي ينفتح باب الآمال

ومرات ياسي منك يرجح بظني

لا جازم انك ناوي القرب ووصال

ولا جازم انك ناوي البعد عني

ساعات احس بهرجتك طيب الفال

وساعات فيها احساس ياس وتجني

نمسي بحال ويصبح الصبح في حال

في موقف بين الهنا والتعني

خليتني محتار بامرك ومهتال

مدري وش اللي في ضميرك تكني

فكر وقرر واحسم الأمر بالحال

تكفيني الحيرة ليال مضنّي