خسارة كنت أحسبك جذع كاسيه الغرام أوراق
على بالي أبلقى فيك راحه من معاناتي
الا ليتك تحسين بعناي ولهفة الاشواق
حسبت اني ابلقى من همومي فيك راحاتي
ابي تفسير لأفعالك,, غرام وتضحية وفراق
وأبيك تفسرين أشواق قلبي في كتاباتي
وأنا ناسيك من اول,, وش اللي جابني منساق
غير عيونك وحكيك ولعبك في قناعاتي
رسمتِ لي دروب الحب وجيت بلهفتي مشتاق
وشوهتِ صور كل الحبايب في ملفاتي
كرهت الناس والدنيا كرهت الحب والعشاق
حسبت اني كرهتك وانتِ اصلا بين نظراتي
رسمتِ لي حلم وردي ويا سرع الحلم ما فاق
أشوفه انقلب كابوس سعى في نهاياتي
دخيلك لا تعنّيني عذاب البعد ما ينطاق
انا لليوم اشكي منك موتي في بداياتي
صعيبه حالة الفرقى ولو شفتِ عذابي فاق
صراحة من عذابي صرت اشوفك في مراياتي
انا وش غلطتي يومك تحرقين الخفوق احراق
وترميني وسط تابوت همي واكتئباتي
انا والله لو تدرين وضعتك داخل الاعماق
وانتِ للاسف آخر محطة في مسافاتي
عطيتك كل الاشواق وعطيتك لهفة المشتاق
وصرتِ قصة احزان وخذت كل اهتماماتي
