غابت الشمس وانحلت عقود الظلام
وانسدل ستر ليلة تعلن اقدومها
والقمر ساع بين صار دونه غمام
والعيون الشقيه فارقت نومها
آه من عبرةٍ قالت لموقي سلام
ودعت رمش عيني واكملت عومها
من سبب واحدٍ هز العظام العضام
اعتلى بالظماير واخلف,, اسلومها
احسب ان خافقي من قبل اعرفه همام
يوم شفته عيوني ظاعت اعلومها
الله اكبر غرقت وذبت وسط الغرام
صرت اسير المحبة عقب معصومها
راح وقت النصايح يازمان الملام
مايونس حياتي كود محرومها
ياعيونٍ سهيرة من عيونٍ تنام
ويش ذنب العيون امفارقت نومها
العرب ما تصوم إلا نهار الصيام
بس نفسي طوال اليوم في صومها
غاب خلي ولا بيني وبينه خصام
ما تشوف عيوني غير بحلومها
عشرة الامس قلبي قل عليها السلام
راح طعم الحلى وأنسام يشمومها
كيف ابصبر واعيش ابظل سرب الحمام
والليالي يكذب شهرها يومها
