كأس البطولة دان لك ياهلال
نادي بصوته يازعيم النوادي
ترى البطولة مالها كود الأبطال
والله مالها غيركم بالوكاد
نادي بطولات جيل تلي اجيال
ثنتين من فوق الثلاثين زاد
يشهد لكم بالمجد عارف وقوال
يامنصف للحق مظهر وشاد
الشمس ماتحجب تراها بغربال
تسطع بنور في الحضر والبوادي
هذاهلال المجد في كل الاحوال
عالي بنوره فوق كل سهل ووادي
ماكر حرار تأخذ العقل والبال
بالفن والتكتيك وقت الهداد
عاداتهم لطم المباري بالاقوال
مرسومة زرقاء بضغط الزناد
خسران ياللي عاند الموج في هبال
ماذاق طعم الزاد هو والرقاد
تاج النوادي منزله فوق في العال
من فضل والي العرش رب العباد
ثم الفضل لرجال وافين الأعمال
اعضاء الشرف وادارة بإجتهاد
خص الوليد ونجله وسلطان باجلال
منبع سخا ناصع بياض الأيادي
ومدرب موهوب سمي جنرال
خطط وتكتك في ذكاء بازدياد
ومن خلفهم جمهور وافي وهطال
كالغيث يملا كل ملعب وناد
نجومنا ما قصروا وقت الأفعال
صالوا وجالوا وثبتوا باعتداد
نفخر بسامي والدعيع ونواف الابطال
ويوسف وتركي والعويران جاد
خليل يالطف والشريدة ودوخي جبال
ماهزها الريح لامقبل ولا غاد
شلهوب والغامدي وسيرجو رجال
مع باقي الصف الانجاد
هذا الكيان اللي يسر الحال
مصنع بطولات من باد
تحية وافية بافضال
لكل من ساهم وشيد وقادي
وصلاة ربي عدد نبت سهال
على نبي للملأ خير هادي
