نبي نشارك في تراث الجزيرة

لمتابعين اللغز واللي قراها

يا ويش بنت صار نفعه لغيره

كل خضع لأمره وكل دراها

ما جودة يا ناس في كل ديره

تامر وتنهى والمحامي وراها

مشكور يا مشرف تراث الجزيرة

واللي معه والقاري اللي قراها

اللغز واضح ما يشبه بغيره

ذيك الإشارة بالشوارع تراها

يا مرحبا باللغز واللي يديره

ترحيبة دايم يذري ذراها

البنت إشارة جعل في الأمر خيره

دايم عملها في الشوارع تراها

إن كان تسأل عن حلول الخطيره

بنتاً ترى العاقل يدور إرضاها

على التقاطع واقفه مستديره

تصدر اوامر والخطا إن عصاها

يا مرسل لغزك بصفحة شهيره

جمهورها واجد وكلٍ شراها

لغزك يبونواد زان تعبيره

وهي الاشارة بالشوارع نراها

قريت لغزاً فيه علم وبصيره

عن بنت تنفع من مشى في هواها

وحلّه إشارة يا الوجيه السفيره

منظّمة للسير ما أحداً شكاها

يا مرحبابك عدّ ما طار طيره

واعداد ما هل المزن من سماها

إشارة المرور صارت خطيره

يا كود جرم اللي بمشيه عصاها

يا مرحبا ياهل الوجيه السفيره

وبالصفحة اللي عاليٍ مستواها

البنت تاقف بالتقاطع نذيره

اشارة المرور محدٍ غواها

اللغز يا راجي عرفنا مسيره

بنتٍ وأنا أول من وقف في ذراها

بنتٍ تحب العدل عميا بصيره

هذي الاشارة كلنا من وراها

تبقى الجزيرة باهتمامي جديرة

على الصحف متميزٍ مستواها

أما الذي ينشد نجيبه وغيره

حتى الإجابة تقنعه لاقراها

ناظر الإشارة بالعيون البصيرة

من طافها سدد قسيمة جزاها

يالشمري مثل العلم فوق نيره

بنتٍ لمع عند الحميدي سماها

بنتٍ تراها لمن عصاها خطيره

والويل ثم الويل للي عصاها

سلام منيٍ عدّ وابل مطيره

للي هرب من موق عينه كراها

لغز السويدي ما دخل فيه حيره

وانا اعتقد كلٍ عرف من قراها

نكتب لبو نواد عبر الجزيرة

شهادة يسعد ليامن قراها

هذي الاشارة والاشارة خطيره

الجاهل اللي لا مشى مايراها

أهلا بمن وصف ولاهي عسيره

كلٍ يشاهدها وكلٍ يراها

هذي الاشارة فايدتها كبيرة

ولابد ما نخضع ونلزم سراها

النفع شامل والسلامة بريره

وهذي الاشارة يالسويدي تراها

اللي يعصاها ما يوكد مطيره

يطيح له ببلشة ما احتراها

الحر يفهم بالإشارة مبره

حافظ على سيره ونفسه شراها

ريح السلامة شمها مع عبيره

خلا الندامة ما وراها وراها

يا هونها لا اهل العيون البصيره

بنت تعلّق بين الأرض وسماها

هي الأشارة للمخالف خطيره

خطيّتة لابد يلقى جزاها

ودي اشارك في فنون الجزيرة

في حل لغز ظامري ما خفاها

اشارة المرور يااهل البصيرة

واللي تجاهلها يحصل جزاها

يا مرحبا حييت في كل سيره

يا شاعر زين المعاني بداها

اللغز واضح والوصايف شهيره

مثل النجوم الساطعة في سماها

ذيك الاشارة كل شخص تديره

واللي عصا لابد يلقى جزاها

الله يسهل من نوى للمسيره

ويفكه الله من حوادث بلاها

ولغز السويدي بنت لوهي صغيره

اشارة عند التقاطع تراها

يقول من هوجس وغنى ضميره

ودور حلول اللغز حتى لقاها

اشارةٍ تضبط,, نظام المسيره

رجال المرور ارجالها,, هم,, حماها

قريت لغزك في تراث الجزيرة

يابن الرجال اللي بعيدٍ مداها

والحل ابا اجيبه ولافيه غيره

ذيك الاشارة وانتبه لاتعصاها

لغزاً قريته في تراث الجزيرة

بالصفحة اللي عالي مستواها

اللي لها عندي مكانه كبيره

ولغز السويدي زاد فيها حلاها

ينشد عن اللي ما تعرقل مسيره

وليا عصاها انسان ياخذ جزاها

حيّ التراث وحي منهو يديره

واللّي نشد حياه واللّي قراها

اللغز حلّه بان مافيه حيره

إشارةٍ للسير راجي عناها

عاش الخطر والشر جابه لغيره

اللّي قطعها عمد واللّي نساها

هذا السويدي طاب أصلٍ وسيره

نظم عقود النجم تالي سراها

في لغز واضح للعقول المنيره

اشارة مرورٍ ونوقف وراها

علي بن صاحب العمري

ياحي من صاغ اللغز من ضميره

بابيات من نظمه حشا ما شراها

قطع (الإشارة) له نتايج خطيره

والعاقل اللي انتظر واحتراها

حييت ياراع العلوم السفيرة

إعداد ما هل المطر من سماها

البنت صارت يالسويدي شهيرة

إشارة مرورٍ كل عاقل رضاها

يااهل العلوم الغانمات الكبيره

اجهودكم كلٍ عيونه تراها

العاقل اللي ماسك خط سيره

وان جاء الاشارة كل همه رضاها

يااهل الجزيرة يالوجيه السفيره

جتنا بيوتٍ ماكذب من رواها

العود الأزرق فاح ريحه عبيره

والاشارة ما ربح من عصاها

قريت لغز وافي بالجزيرة

وسط التراث اليوم كل يراها

فكرت في حله وكيف اتعبيره

نبغى جريدتنا ونمشي وراها

خل الاشارة همتك بالمسيره

واصحى تعداها يطبق جزاها

لقيت بالصفحة بيوت خطيره

يعيش من بالفكر جود بناها

فكر وجاب اللغز تنظيم سيره

إشارة والعسكري في حماها

يقول شاهر مرحبا بالجزيرة

والصفحة اللي هاضني محتواها

سمعت لي لغز رموزه غزيره

بنت لبيب العقل يكسب رضاها

إشارة نظم بها خط سيره

يلقى الجزاء بالحال رجل عصاها

السائق الماهر يحكم ضميره

عند الاشارة ينتظم في سراها

ان ولعت خضراء يعجل مسيره

وأن ولعت حمراء وقف واحتراها

يا مرحبا باللي سأل بالجزيرة

واللي مشارك وسطها واشتراها

البنت دايم يالسويدي سهيره

وهي الاشارة بالشوارع تراها

قريت لغز من رجال العشيرة

عبر الجزيرة واهني من قراها

إشارة فيها الفوايد كثيرة

بامر الولي تحمي ولازم تراها

واللي قطعها ضايع في مسيره

يلقى التعاسة من مشى مااحتراها

لعل في تأخيرة الأمر خيره

والطيبة ما ينغبن من شراها

من دار حاتم طي نعم العشيره

راع الوفاء وثق مقاضب اعراها

ياطيّب السيره نظيف السريره

شفنا الاشارة ما يذري ذراها

يا مرحبا والبنت في كل ديرة

لازل نصف الليل جاها بلاها

هذي الاشارة عينها مستديرة

فيها ثلاث عيون تالع حداها

أهلاً هلا اعداد وبل المطيره

واعداد نجمٍ ساريٍ في سماها

بالحايلي واهل الوجيه السفيره

اهل التراث اللي علا مستواها

هذي الإشارة طوعها به ستيره

عن الحوادث ربي يكفي بلاها

سلام مني عدّ ماطار طيره

وعّد الرمال اليابسه مع ثراها

لغزك يابو نواد عندي مصيره

إشارة الشرطي وقفنا وراها

وصلوا على محمد نذيره وبشيره

من الشرك والطاغوت ربك براها

الآدمي لازم يراجع ضميره

لا يعتذر ويقول سج ونساها

ترا الاشارة بالشوارع مديره

العاقل اللي بس يدرك رضاها

البنت تسكن في مساكن خطيره

بين الشوارع كل منا يراها

إشارة فيها منافع كثيره

الشكر منا للذي ما عصاها

البنت معروفة ودايم سهيره

على نظام الناس ما احد عصاها

ما تستميل بحكمها مع عشيره

وعقابها قاسي لو أحدٍ نساها

هي الاشارة حال مافيه غيره

لازم نطاوعها ونمشي وراها

هذي إشارة بالتقاطع بصيرة

خضرا وحمرا واضحات نراها

ترى محاميها نجومه كثيره

يمسك عليك البينه ما احتراها!