والله اني ناهي القلب عن حب الغشيم

مير قلبي ما يطيع النصيحه من عناده

صابني جرح المحبة وانا قلبي سليم

والسبايب من غزال على اول مستواه

مرني واثر,, على القلب بالصوت النعيم

واخلفتني طرفة العين مع جيب العباه

والله اني ناسي الحب من وقت قديم

مير مدري وين ربي جبرني في غلاه

جادل حبه تعب قلب,, وافراقه عظيم

متلف روحي وقلبي سمح له في خطاه

لابس ثوب التغلي ومغليه الكريم

نوب يرضيني ونوب يهددني جفاه

ان زعل مضنون عيني رماني في جحيم

وان رضا,, ذوقني ثمار جنات الحياه