من عرفته عرفت اني بصدق اجهله

واعترف واحلف انه صار غصة وريد

كل ما اوصل معه لآخر طلع باوله

والله اني عجزت افهم انا وش يريد

يجهل الحب يوم ويوم كله وله

لا قريب قريب ولا بعيد بعيد

يشعل النار داخل داخلي بمهله

ويطعن القلب ب ,, ايد ويمسح الدمع ب ايد

يا ابن الاجواد ماني قدها البهذله

واما اتحمل عذابك لاتزيد وتزيد

كل هاللي جرالي منك ما استاهله

كان لقياك عيد وصار فرقاك عيد

ارحل بصمت مابي منك كثر اسئله

ذا قراري الاخير وجاك علم اكيد