كل الخطايا تهون لخاطر عيونك
وش عاد لو سولفوك الناس بغيابك
اترك جميع السوالف لا يهمونك
في كل كلمة عذول اموت واحيابك
الناس ما تدري انك سيد مظنونك
عفوا ولا تعرف اني سيد اهدابك
حتى لو اخطيت في حقي من اظنونك
خطاك زادك غلا كان الغلا عابك
دايم تحب العبث وتزيد بطعونك
ويا حبني للطعون اللي من اسبابك
ويا حلو ليل سواده من على متونك
يامن زهاه البياض ونقشة اخضابك
ويا حلو منك الزعل والغيض وجنونك
مع غيرتك وارتجاف ايديك وعتابك
ان قلت بنسى هواك العف واخونك
اغفى على فكرة النسيان واصحى بك
ما دامك العشق الاول ليه ما اصونك
تستاهل الحب وانت الحب يزهىبك
الفى بك الفال يمشي بك على هونك
يا طيب فالي يوم انه غاب والفى بك
والشعر لامن زهمته قال ياعونك
شعر اعرفه ينال رضاك واعجابك
