اما غلبت الزمان وطحت متواسي
والا فتحت الطعون الخضر بيديه
والغاده اللي تصب الشوق في كاسي
لعلها لاتعدت تلتفت ليه
من سلهمت لي وانا والجرح واحساسي
انعانق العطر والنيه هي النية
نجلاً تمر الضلوع الحدب يباسي
تقبل وكن الربيع يسابق الجيه
لاخلتها عن يميني ضاعت انفاسي
ياكبر خوفاً سكن من زينها فيه
واقول يالمقبله من ذكر الناسي
دامي عرفتك بتبقى الحال مبريه
وش عقب سكنة عيون سود نعاسي
والاجبين كما براق غربيه
غير الغرام وهمومٍ شيبت راسي
يالمقبله عجلي فالنفس مبليه
اخذي بقايا خفوقي واكسري باسي
والا انزلي فيه واخذي روحي الحيه
وإلك الغلا والدلال بداخل اقواسي
وخلي طويل السهر والقافيه ليه
