سر يا قلم واكتب من الشعر مبنى
مبنى أبين كل ما كان خافي
أبيات شعراً من ضميري بمعنى
معنى أسطر به على الوزن قافي
بقول كلمة حق والصدق مني
في ناصر الموسى فزوع وافي
يا كم من رجلا معاق تمنى
يشوف نفسه في الوظائف ويشافي
ومنولن أيامنا تمتحنا
وكلا علينا بكلمته ما يخافي
قالوا معاق ما خدم مجتمعنا
لا والله لعله وعلينا يضافي
بقولها كلمة ترى متهمنا
كلمة معاق علة ما ترافي
وحنا إلى من هرجنا وقلنا
كلامنا واضح ولا فيه خافي
وحنا إلى منا خدمنا وطنا
ما ندور المكسب وكلمة مكافي
وحنا إلى منا خدمنا بذلنا
إخلاص وجد وعزم متوافي
واليوم بفضل الواحد اللي خلقنا
صار المعاق بقدرته رجل كافي
سرنا نبي علم وبجداً طلبنا
ما همنا قولة منيف ولافي
وهذي حقيقة من ضمير المعنى
اللي تعنى وشاف بعده عوافي
وختامها صلاة ربا رزقنا
على النبي محمد عد قافي
وعد النجوم وعد حرفاً كتبنا
والحمد للي بعزته ما يشافي
