أحزاني أكبر من تعابير مجروح
حو يتهابين الضلوع الدقيقه
مشوارها في داخلي سر مطروح
يجول في ذاتي وصدري بضيقه
تلقى بعيني ليل والدرب مفتوح
على البقايا للصروح العتيقه
إرحل معي في رحلة الصمت للبوح
والمس عذابي من جروح عميقه
واسمع صدى صوتٍ من الحزن مبحوح
وعيش الهموم اللي بقلبي دقيقه
شوف الهنا في داخل العين مذبوح
وشوف الحياة اللي بروحي حقيقه
لا تحسب ان الحب سيحات وامزوح
ونشوة غرام في بحرها طليقه
لو شفت حبك داخل العين مفضوح
وراه دمعٍ به جفوني غريقه
هم الرحيل وشوق واحلام واجروح
مشوار عمري مارحمني طريقه
كن الوفا من نظرة الناس ممسوح
وكن القدم صارت بدربي عويقه
ماكن لي رغبه وغايه ومصلوح
أطرد سراب وغاب عني بريقه
وكن العمر باقي له أيام ويروح
وكن الضلوع الناحله ماتطيقه
