سافري لايهمك واسمحي لاقسيت

ديرتي جرح وحدودي دموع وألم

صورتك في خيالي باقيه مابقيت

كل مافز جرح وكل مافز هم

اعترف في غرامك ذبت لين ابتليت

ومن تعرض لصكات الهوى ماسلم

من يصدق احسن خطاك لامن خطيت

في عروقي واحس بهمس وقع القدم

قلت مره نسيتك واعترف مانسيت

لو كذبت ونسيتك ماكذب هالقلم

اظلمك وانظلم تبكي وياما بكيت

ودي اموت وأعرف بس من هو انظلم

عشت فرحك وجرحك بالأسى ماشكيت

عشت قصة غرام بسامرية وهم

من هو اللي بنى من جرح الايام بيت

من بنى من جروح الوقت بيت انهدم

سافري لايهمك واسمحي لاقسيت

وابشري بي جراحات ودموع وألم