كل شيٍ ينقص إلا محبتك وغلاك
كل يوم أشوف حبك وسط قلبي يزيد
قلبي اللي من فراقك نسى فرحة لقاك
مثل من يفجع بفقدان غالي يوم عيد
أثرني صدقت الأحلام واسرفت برجاك
ما دريت إنك ولو تسكن أهدابي بعيد!!
أعترف اني تماديت وأغواني هواك
والعجيب أسعدني الوهم وأشقاني الأكيد !
ما تعذرني المعاذير لوبانوي جفاك
وانت ماترضى لي الذل والقدر الزهيد
أشهد ان الحب يورد مواريد الهلاك
ما يقاس بمنطق العقل والراي الرشيد
وما يصبرني برغم الظروف إلا وفاك
الوفا فالحب يا غايتي بيت القصيد
لا وفيت فكل ما تطلبه جعله فداك
يا قديم الحب لازلت في قلبي جديد
