بين شوق وحيا وظروف هجر وغرام
شفت حتى النهاية شارفت مابديت
ما بعد جيتنا حتى يصير الخصام
ما خسرتك خسرت الحظ ياللي نويت
لي مع الناس خلٍ عاشقه مايلام
يفتديه الخفوق وعازمه للمبيت
ترتجيه العيون ويم طيفه تنام
وكل ماهب نسناس القصايد سريت
ما اقدر الوصف يعجز فيه كل الكلام
خايف اتوه في حسنه وانا مادريت
في زمان طعونه مثل طعن السهام
بعت الاصحاب ولذات حبيبي شريت
لك بلقبي منام ولك عروقه حيام
لا شربت الغدير ومن زلاله رويت
ياسحابة على كيف الهواء والمرام
لا تمرين عذرك في ثرا كل بيت
ياذهب قيمتك لو ربع كيلو جرام
تستحق الثناء واخذت منك وعطيت
يرجح الوزن عند الواصلين الكرام
ويسقط الفاشل اللي ماهقا ما هقيت
بين الاغصان غصن يلبس احلى وسام
في وجوده نعمت وفي وعوده وفيت
