لا لا تغلى وأنت تدري بي أغليك

وعندي غلاك مساوي نور عيني

تلقى الى من غبت غيري يسليك

وإلا أنت لا من غبت كني سجيني

لحظة ابي لحظة واقول أيه,, ناسيك

المشكلة حتى بنومي تجيني

لونك سمعت القلب يصرخ يناديك

مهموم بك مع هم حزن السنيني

ماكنت تبعد يوم وأموت راجيك

يومك تغيب ولا تقدر حنيني

ولوني فقدت العقل والله لراعيك

مجنون,, لكن لك ترى العقل فيني

أنت الأمل وشلون أببعد وأخليك

معاهدك ماخون هاذي يميني

اعطف شوي وحس باللي يداريك

اللي بعد فرقاك عايش حزيني

بس اتحرى واتسمّع لطاريك

وطالت ليالي البعد بينك وبيني