هذا سؤال وبانتظار الاجابة
يامراقبين الشعر وش رايكم فيه
الشعر من واجب اسلوبه وادابه
ترسم على القول الحقيقي قوافيه
الشعر ديوان العرب يقتدا به
خص الذي يبقى مع الناس طاريه
تبقى معاليمه ويحسب حسابه
ويعيش بالافكار لو مات راعيه
وشعر بلا معنى سراب تشابه
ماله قرار ولا تصدر ضواميه
وتصنيف ماله بالمجالس حبابه
بالمجتمع ماله دليل يمشيه
الشعر له شعار تفهم صوابه
شعار منهاج القريحه تنقيه
هذا وأنا مالي بوضعه رقابه
لكن ما ودي تغير مجاريه
ياليت له حراس تاقف ابابه
وتمنع بعض شعر الجرايد وتلغيه
خص الذي يخوض به ويعثى به
يابعد عن شعر الفصاحه معانيه
ما تفهم الشياب لهجة شبابه
لهجة جدوده ما تناسب مباديه
