قررت اسيبك وابتعد عنك واتوب

واترك غرامك وانسحب عنك مرة

مالي بتأنيبك وانا كلي ذنوب

ولا لك عليّ شرهه وانا ما تشرّه

ياللي مواعيدك مواعيد عرقوب

ما من وراك إلا العنا والمغرّه

مادام حالك حال واسلوبك اسلوب

ومن رافقك بالدرب تبغى تضرّه

اصبحت عندي بالملا مانت مرغوب

ولا لك غلا بالقلب مثقال ذره

ماني على سكة تجافيك مغصوب

ولا انت الوحيد اللي تحت هالمجرّة

من لا يصون الحب ما هو بمحبوب

واللي كذا طبعه كفى الله شرّه

قدره ما بين الناس ضايع ومسلوب

ويصير بين الناس منقوز جرّه