والله اني عارف وش النهاية

مير اكذب هاجسي والظن فيك

ماحكولي عنك قلت انه دعاية

وادري انه صح ماقالوه فيك

بعت من يشريك والمقفي عنايه

بالجفا جازيت منهو يشتريك

عفتني ماقلت لي سبة خطايه

جيتك لي مجامل بيّن عليك

ياحياة الروح ياغاية منايه

اشتكي مظلوم انا منك اليك

خف من الله لاتعذبني كفايه

زدت في هجري وانا قلبي يبيك

وش يفيدك ياحبيبي من جفايه

كيف تجفى واحد يشفق عليك

لاتهدم اللي بيننا في البداية

والعدو بالقول لايضحك عليك