لو ان من سألني يقتنع كان جاوبته
جواب معانيه صريحة ومفهومه
أنا القلب ويا الفكر في نجد سيبت
ولا معكم إلا جسم ملفوف بهدومه
أنا النوم لي مدة عيوني محاربته
جفت نومها يوم الشقي جافيً نومه
على اللي بحبه صوب القلب ماصبته
وصرت الضحية والمقادير مقسومه
أنا قبل أعرفه منهج الحب جنبته
وبعد ما عرفته صرت بالحب ملزومه
تعلقت فيه بجد من قلب وأحببته
وقلبي عذرته في غرامه ولا ألومه
ياليت اللي جابته لي وقربته
أشوفه بعيني يا ملا وأخذ علومه
اليامن بدت معه السوالف وخاطبته
سوالفه تشفي القلب وتبددهمومه
يعالج فؤاد من شقى الوقت عذبته
وتفرح عيوني عن ملاقاة محرومه
