خلاص أنس الحزن كله وكلمنا وهل وفل

ولا تظهر على وجهك من أسباب الحزن هاله

ألا يا سيد أحبابي مدام انك غلبت الكل

أبيك تناظر بحالك وخل الكل في حاله

انا أحبك أنا أحبك وليف وصاحبي والخل

وراس المال والمنوة وحال العاشق وماله

ولا تزعل لجل كلمه وعما صار انت بحل

هوى شرق تلاعبها غصون الورد مياله

تذكر كم محبتنا جناها العذب ورد وفل

وكم كانت محبتنا نغم يا زين مواله

هويتك في زمان فات نغمات ومكان وضل

وهويتك وقتنا الحاضر ثبات وحسن واصاله

وتبقى دايم الغالي ولا ترخص ولا تنزل

ولو تبعد عن محبك ترى تبقى على باله

عسى الله يفرج الضيقة ويصفي وقتنا المقبل

تراني في رجا ربي رجا ربي وأنا ساله

ولا فيها ولا حاجة,, ولا صعب ولا مشكل

وكل انسان اذا صمم لزوم يحقق آماله