صاحبي والمد كلمة تضيق بها العيون

لو شرحناها بكى الليل من ضوح الزناد

لا تحملني همومك,, وأنا كلي طعون

لا تصبحني وأنا اللي تعرضت الهجاد

خلها تمشي ركايبك فالدنيا بهون

أمس دون الصوت تصبح ورا ضول الطراد

ولا تندم ما على فايت الدنيا حزون

ولا تعاتب,, ما ورا المقفيات إلا السهاد

لا غرابة ما على الأرض شخص ما يخون

نادر اللي يحفظ الود ويصون الوداد

كم لبست الحزن والناس حولي يضحكون

كم زرعت من البياض وحصدت من السواد

إنثنى الخنجر بقلبي وهم يصفقون

وإنكسر حلمي وأنا ما تهنيت برقاد

كم تغانم عاشق الهرج هفوات الظنون

وكم تجاوز صايب القول,, وزمام الوكاد

كم على وضح النقا تسلب إحلام وتهون

وكم يموت من المبادي على سيف العناد

صاحبي ما يقبل الحل كون,, أو ما يكون

بد مافي خاطرك,, وإحصده قبل الحصاد