يا هل المعروف حزني من الفرقا طويل

راحو اللي شيدوها وعفوا جالها

والله إني عقب أهلها مثل عابر سبيل

ما تعيش أجدادها الا بكثر سمالها

ديرة فيها من المجد,, تاريخ طويل

عزها من عز أهلها وفعل رجالها

جعل واديها من الوسم بمر الله يسيل

لين ينهض عزها والسعد يبرالها

ابعدوا عنها العدا,, بالمقمع والفتيل

والسيوف الحدب لي جردوا بسلالها

مثل يوم فيه فرقا خليل,, مع خليل

يوم لحقوا عندها وعثروا خيالها

يوم راع الغوج فالحزم من سرج يميل

وردوا الماسوق غصب على عيالها

يا نجد يا مابك من الخبث والطيب

يا كثر لذتها وما اكثر نكدها

معشوقة جاها ثلاثين,, خطّيب

كل خطبها مار عيا ولدها

ترى ولدها اللي يهدي الاصاعيب

مبداه حيظان المنايا وردها

عبدالعزيز اللي بعيد عن العيب

فعل وحصّلها وهو قد فقدها

ما حصّل أوطانه بهرج ومكاتيب

والاظهر لم الطروش ونشدها

خذها بضرب المرهفات المحاديب

من سلها عند اللوازم حمدها