قريت عبر الجزيرة شعر عبدالله
عشرة بيوت عزيز الجار قايلها
دنيا كفانا شروره توري الذله
هذاك راحل وهذا بعدنا زلها
من يطلبه ساعة ما عاد تمهل له
غدارة ما تجامل من يجاملها
يا بو بدر ما حصل لك دبرت لله
اصبر لحكمه عسى ربك يعدلها
دبرت عزيزٍ كفل رزق الملائكة
علام بالكون جامعها وعازلها
كم واحدٍ ما جرى لك قبل جارٍ له
ما فيه مخلوق يسلم من حبايلها
عسى المريضة بعين العطف يفطن له
وعسى الفقيدة جنان الخلد منزلها
تسلم ويسلم شجاعٍ ظللك ظله
له راية العز راسه دوم حاصلها
نايف عسى الله بطول العمر يمهل له
الله يثيبه عدد ما هل هاملها
ماهو غريب له الفزعات طبعٍ له
من لابةٍ دوم ما تحصى جمايلها
يا بو بدر كم خليلٍ فاقد خله
صبرٍ جميل عسى ربك يجملها
