عسى جديد الزمن تصفي مشاريبه

والراس نجمه لمع والمشتقي خابر

والعمر يركض وتجري بي دواليبه

لا واشقا اللي على جسر الخطر عابر

يطيح واليامشى في خطوته ريبه

يمشي على الهون فوق الجسر ويثابر

حافي قدم والجسر واجد عذاريبه

جسر معلّق على الحافات من غابر

من غابر الوقت والارياح تومي به

جسرٍ تبيه السنين يطيح ويكابر

لو زلّت الرجل بي من فوقه مصيبه

ياقلب خلك على جور الزمن صابر

اصبر على الوقت لو تكثر مخاليبه

دخيلك اليوم ياللي للكسر جابر

من شر وقتٍ غلب خبثه على طيبه