كنت اتباها في محبتّك مغرور

وقدام كل الناس كنت افتخر فيك

كنت الجريح وكنت للقلب دكتور

وكنت السراب وكنت بالحيل ضاميك

بس اكتشف إنك على قلبي اتجور

وتقوم تتمادى عليّ ابتغليك

لا تحسب إنك في تماديك معذور

مادام تصحيح الخطأ منك تبريك

الحب له معنى ومبدأ ودستور

واشعور صادق يختلف عن مباديك

ترى المحبة ذوق واحساس واشعور

ماهو ابيعك يوم وارجعلك اشريك

شفلك حبيب مايخالف لك الشور

لاغبت يرضى عنك وإن غاب يرضيك

ولا تحسب إني من سواياك مقهور

مادام تنفيني ترى القلب ينفيك

وتراي ماني في محبتك مجبور

مادام هذا أولك ينعاف تاليك