مرحوم يا شيخ حياته على الطيب
مرحوم يا فيصل ربيع المسايير
يا الشيخ ابن سعد حصان الأطاليب
ليا غلب شر الأوادم على الخير
الموت حق ولا عن الحق تجنيب
مقدره رب المخاليق تقدير
أمر على المخلوق من عالم الغيب
اللي يصورنا بالأرحام تصوير
الموت له في كل حزه مناديب
يسوقنا بالدرب سوق المضاهير
حل القضا ما فيه شك ولا ريب
وأقفت يا بونايف عليك المقادير
نطلب لك الجنة وتحفيف تعذيب
والله يفكك من جحيم وزمهرير
لو تنفدي نفديك بالحال والجيب
لكن هذي حالة الناس يا امير
مار العوض عقبك رجال المواجيب
نايف وابو ناصر وجيه مسافير
شيوخنا اللي للإمارة مناصيب
اللي لهم شيمه وقيمة وتقدير
