إن سألتي وش ذكرت ووش نسيت

ما بقي في الحب شيٍ ما نسيته

ما نسيته عمد لكني سهيت

حتى همت وفات حلمٍ قد رجيته

قد رجيته دهر وأقفى ولا قفيت

ليتني من يوم شفته ما هويته

ما هويته كذب وبلهفة هويت

وأتبعته لأجل أجد مقطان بيته

بيته اللي غرق في البحر وغديت

في طلب لقياه لكن ما لقيته

ما لقيته رغم صبري وأرتضيت

عيشة المقهور واللي ضاع صيته

ضاع صيته من مغانيه ونجيت

من غنا الدنيا وحلمي مات ميته

مات ميته من لقاء البحر وغزيت

وأنت يا أبو زيد كأنك ما غزيته

ما غزيته وأنا بالحلم أنتهيت

أبتديته بود وبود أنتهيته

انتهيته وإن تذكرته نسيت

خوف يرجع يوم وألقى اللي نسيته