سلطان له في كل يوم محبين

يستاهل اللي من رضا الناس زاده

الى انتهض يعدل ميول الموازين

فيه الفرج ياسعد من هو سناده

عساك يا سلطان تحيا بعمرين

ياواهبٍ نفسه لعزة بلاده

يده هي العليا منوّل وهالحين

لوغاب محتاج عنه,, قال ناده

حي الذي يوفى عن المعسر الدين

لاجاه من حده زمانه وكاده

صليب راسٍ لا أرتكى ما هنالين

والحلم عند الشيخ ينعش براده

له شوفة من دونها تقصر العين

ومن طمع فينا يجرب عناده

والمعذره ياسيدي منك راجين

محدود شعري ماعطاني زياده