يا عديل الروح يا زهرة ربيع

ياسما صافي وقلبك من ذهب

يا جمال ما توصف يا بديع

يا بدر سبحان ربٍ لك وهب

ما شفت حلياك بالخلق الرفيع

من نظر عينك تصوب وارتهب

الوفى والحب يجمعنا جميع

مغرم وانت عليمٍ بالسبب

خذني بود وخلني اضيع

في سواد العين بصدرٍ رحب

خذني ما انسى جميلك والصنيع

ضمني ما بين رمشك والهدب

ان غبت حزني تزايد بالوليع

والضلوع احسّها جمر وحطب

وان ابعدت يضيق فيني كونٍ وسيع

حتى دمع العين بغيابك نضب

لا تروح ارجيك قلبي ما يطيع

لوعتي تزداد واشوف العجب

والليالي السود منظرها يريع

والنسيم بغيبتك يصبح لهب