يقولون المحبة تتعب المغرم مع المحبوب
وتجعل كل من صابه هوى خله يهذري به
وانا اقول الهوى يا ناس به غالب وبه مغلوب
صدوف الوقت والفرقا مصيبه واكبر مصيبه
ترى ولف البشر يبدا بنظرة مع جمال اسلوب
ومن حبيت زان بعينك وزالت عذاريبه
الى من صفا لك وقتك الحاضر على المطلوب
عليك بقطفة البستان قبل تروح وتسيبه
درست الحب زين وعارف الواضح من المقلوب
وبعض الناس كلمه تاصله تقبل وتقفي به
وبعض الناس كامل بالمزايا ضافي بالثوب
ولكن يبعدك عن صحبة المغرور به ريبه
وهذا باني حبه على بعض الثرى والطوب
ولا تقدر تفسر فعلته بالجهل والطيبه
وانا شفي من الخلان خل خالي العذروب
الى منه حصل لي كامل الأوصاف ودي به
يزين الوقت عندي والسعادة مطلب مرغوب
والى منا تقابلنا يهلي بي واهلي به
