جيتك جريح متعبه كثر الأحزان

ما ردني عنك بعيد المسافه

جيتك مسافر دون مرسى وعنوان

متحملاً طول السفر والكلافه

أرفق بحال اللي لجأ لك بالإحسان

داو الجريح وخل عندك حرافه

لا تبدد أحلامه وهو جاك شقيان

جاء لك جريح وباقي العمر عافه

يبي منك بسمة ترده كما كان

قبل ربيع العمر يعلن جفافه

وان كان من جاء لك رجع ندمان

ما هو خطأ لا منه أبدى اعترافه

مهما يكون ونفترق بعض الأحيان

قلبين يجمعنا الغلا والولافه

ومهما حصل والوقت من بيننا خان

ما قول عن وقت مضى يا حسافه

غالي وتبقى غالي طول الأزمان

ياما العمر ياصل نهاية مطافه

وان كان من وقت الشقاء شفت نكران

عوّد عليّ واللي مضى لا تخافه