سلامي يارياض الفين يارمز الفخر والجود
سلامٍ وافيٍ ويزيد نور العاصمة نوره
ومن بعد السلام اجيك وازف التهاني زود
وانثر لك شذى طيبٍ يزين الجو ببخوره
كبيره ياالرياض اليوم عدٍ للعرب مورود
نقلتِ للثقافة عن وطنا والعرب صوره
ومن حبك وحب أرضك نبتت بالقلوب ورود
ولالوم العيون اللي تعيش وفيك مسحوره
والا ياالمملكة دونك ترانا كل ابونا جنود
نبيع ارواحنا لاجلك وتبقى الدار معموره
رفعتي روسنا يادار ياديرة عيال سعود
والله يعز حكام البلاد عيال اخو نوره
ومهما درت يابلادي فانا لابد لك باعود
مادام إنه على حبك قلوب الناس مفطوره
نعم مبروك ثم مبروك,, لك منا الوفا مردود
ما انتِ بعاصمة يارياض انتِ لحالك اسطوره
