أرجي السنين المقبلة تنصف الحال
عقب السنين اللي مضت لي حزينه
مشيت كل دروب الأيام رحال
طال الشقى,, والحزن طالت سنينه
اللي يقول البعد ينسيه لاطال
ليته يجي ويشوف حالي بعينه
هاذي ثمان سنين ما بان ما قال
عجزت لا انسى الحب بيني وبينه
محدٍ ملا عيني على كثر الأزوال
أشوف زين الخلق,, وأقول شينه
صارت حياتي بعدها أهمال بهمال
غاب الفرح وجروح قلبي دفينه
جرح الشقى بالقلب له حط مدهال
مشاعر الفرحة حكمها سجينه
دنياي ورتني شقى أيامٍ اثقال
زرت الحزن فيها مدينه,, مدينه
من كان واجهني نشد كيف الأحوال
أجامله,, بالرد وأقول زينه
أضحك مع الأصحاب والجرح مازال
جرح الفراق أخفيه وابطى ونينه
قضيت عمري والشقى عذب الحال
الله,, من سود السنين الحزينه
