سلطان ما تخفى عليك الحقيقة
سلطان ما هي عادتك ترك الأحباب
انت الذي بعد الولي نتقيبه
شبل الفهد وابن الفهد زاكي الأنساب
الطائي اللي ماشي في طريقه
دايم تمارينه على حفر وتراب
مقرنا سلطان ما حدٍ يطيقه
ارجوك تنصفنا مثل كل الأصحاب
نادي عريق ما تسنع طريقه
بلا مساعيكم ضرير ومنصاب
خصم عنيد للنوادي العريقه
نادي عريق فاقد بعض الألعاب
المنشآت عن كل مجد تعيقه
واللي نصاكم ما عمر واحد خاب
للمنتخب دايم يساهم فريقه
بلعيبة لأجل الوطن كنه ذياب
مامات فيصل والعوض في شقيقه
ونواف ابن فيصل ذرى كل من هاب
جمهور حائل تنتظركم بضيقه
باللي وعدهم فيصل المجد وإن غاب
انتم وفاه اللي يكمل طريقه
دينٍ قديم وصاحبه حط بتراب
عسى له الجنة وشمسه رحيقه
في ساعةٍ نحشر لميزان وحساب
انتم دوى وطب الجروح العميقه
وانتم قمرنا كان نور القمر غاب
وانتم سعدنا عن عناها وضيقه
وانتم فزع لمن كان للحق طلاب
حفظكم الله باليدين الوثيقة
عسى لكم عند الولي ستر وحجاب
