عزاه ياقلب همومه تلوفه

لافه زمانه مع تصاريف الاقدار

لاقبل سواد الليل جاته صدوفه

ولاجا نهاره ينقضي كله أفكار

بأسباب غرو عذبتني طيوفه

لاقبل ظلام الليل طيفه لنا زار

الجادل اللي بالجمال معروفه

نور القمر والا القمر نورها اختار

عن غيرها من البيض نفسي عيوفه

عيني تراعيها وقلبي معه سار

متى الليالي تجتمع بي واشوفه

ريم المها شيخ البها زينة الدار

الوقت فرقنا وحالت ظروفه

وبيني وبينه ما حصل لو مسيار