ياقديم الشوق فيني لاتفوت

خابرك حي اتحرك بالخفوق

خابرك والنفس يقنعها السكوت

من زمان النفس تعطي ماتبوق

لاجل شي وشي واحد لايفوت

عن حدود القلب او دم العروق

قلت اغامر واتبع المقفين صوت

لاجل ماتلحق مشاريهك صدوق

شف زمان الياس وسنين الوقوت

عاشها الخفاق ماشاف البروق

إيه صادق ود واثبتها ثبوت

ماتشوف الحال تشكي منك عوق

مابغيت ازعلك خوفي لاتموت

وماعرفت ارضيك واتعبت الطروق

قلت اجامل فيك لو بعض البيوت

علها تجزيك عن بعض الحقوق