شالوه من بيته بحال رديه

وحطوه في غرفة أطبا تداويه

أنا اشهد انه صدمة لي قويه

والقلب مهموم وزادت بلاويه

خمسة عشر اثنين يوم المنيه

واليوم الاسود عارفين مواريه

الموت فراق الخوي عن خويه

واللي انكتب باللوح لازم نلاقيه

المنظر اللي شفت ماهو نسيه

فوق النعش حطوه والعين تبكيه

هذي هي السنة ونفسي رضيه

واليوم وين الوالد اللي اداريه

بالقبر مدفون بأيدي زكيه

واللبن فوقه والنصايل بعاليه

عساه ينزل في منازل عليه

وعساه بالجنات ربه يجازيه