لا توادعني ترى ما أقوى الوداع

لا تذكرني دموعك والحنين

لا تخاطبني بحبك باندفاع

خلني في داخلك شوقٍ دفين

خلني كنز لقيته ثم ضاع

ضاع والا غاب في غبار السنين

كم في هذا الكون من حب مشاع

وكم تلاقي في زمانك طيبين

في غيابك شينه دروبي ,, ضياع

قمت أدور عن شمالي واليمين

قمت أشوفك في منامي لك شعاع

نور يسطع فوق خدك والجبين

أنت تطلب شي غالي ما يباع

لو يباع أشريه لاجلك ياطنين

يا عذابي صار همي في اتساع

كل مخفي في الموادع لك يبين