يا مجدد للغرام الرسوم الدارسات

لابن لعبونه وقاضيه وابن سبيله

وأنت رابع هالثلاثة فرايدك أمنيات

يوم بعض الناس ما أعرف وشهو حي له

اكذب علي مليت كثر الصراحة

أنت أجمل من الصدق لا صرت كذاب

يا كثر ناسٍ تحسب الكذب راحة

والكذب ثلجٍ تحت شمس الضحى ذاب

كل ما ذعذع عبير الصوت وإنساب بنعومه

استشفيت الحنان اللي فقدته في زماني

طول عمري أبحث بفقه اللغة وأقراء علومه

ما لقيت الصوت له ريح وعبير ولون ثاني

شبي حريقة وشدي شعرك الطاير

ما كن به فوق سطح الأرض غير انتي

أعصابك, اهدا, علامك ياولد فاير

تراك يوم الرضا قايل لها أحسنتي

أنا أذكر إنك جمعتيني وقلتي تمنّ

وأظن هالامنية وحده وضاق الفضا

وهي قبل تجَمعك متفرق ولا لك بدن

والا الشعر غير هالكلمة تلاشى وقضا؟!

بروح أمارس جنوني وأقتل أعبائي

ما أبي خويٍ يخاويني بها الجولة

دامك تبي تمارسين جنون عشوائي

ما أحدٍ مخاويك, ويخاويك وشهوله؟!!