البارحه وسادة الراس كفي

ولحا في التفكير والسهر مضمون

اجحد هموم بالضماير واخفي

ما ودي الحساد يا سعود يدرون

ما دامت أهل العرف تاقف ابصفي

انا مع اهل العرف بالطيب مرهون

قلبي يفز ورمش عيني يرفي

لمجلس فيه النشاما يحضرون

ياهل العلوم اللي بعضها يكفي

عن بعضها الباقي ورى ما تصومون

اعلومكم تشبه سراب مقفي

ترجع على ما قيل من دون في دون

الصحف رفعت والقلم شبه جفي

والصمت حكمه ليتكم تستفيدون

واختامها شفك يخالف لشفي

يا ناسب الانبا لاذاعة يقولون