اللقا مع ليل ذكرانا سرى

ما بقي من ليلنا غير انتظار

والتقى مع صوته اللي ما ورى

هو كلامه صدق يمحيه النهار

نفس منواله يجي دايم ترى

لو على باله يبي يلقى اعتبار

يشتكي حاله ويذكر ما جرى

جا وكل ما له من الذكرى يغار

تقصر يدينه ولو طرفه يرى

يبصر بعينه ولا يلقى اختيار

ما سأل وينه ولا يوم احترى

كل ما بينه وبين امسه حوار

المشاعر عقبها صمتى قرا

في نواظر وقتي الماضي اعتذار

لا تناظر عقب رجواك الثرى

والخواطر في سما وقتك مدار

لو يعود الحاضر بشوقك ورا

والامل يملك على نفسك قرار

كان شفت الوصل بالدنيا طرى

والمحال اللي تمنيناه صار