اترك هموم وقتك مع ظروفك وراك

واتجه للإله وصل لك ركعتين

ماكتب في جبينك لو تخفى لقاك

استعن في ولي العرش ربك يعين

استعن بالإله ودوك قلبي معاك

وفوق كفك عيوني كنهن وردتين

انت اخوي وعضيدي في ضميري غلاك

يانظيف الضمير ويانظيف اليدين

السفر جعل ربي من شروره يقاك

وكل قاسي عسى قدام وجهك يلين

ادعي الله عساه اليوم يكتب شفاك

بأمر من كون المخلوق,, توه جنين

رح وربي عساه يحرس دايم خطاك

لين ترجع سليم تشاهدك كل عين

والفرح يكتمل والحب ساعة لقاك

ونشكر الله ونركع للولي ركعتين