دخيلك يا الحبيب القلب ما يقوى على فرقاك
دخيل الرمش والقلب الحنون وهمسة عيونك
دخيل العشرة اللي لو نسيت سنين ما تنساك
لو انك يا حبيبي ناكر العشرة يسمونك
دخيلك لا تروح هناك والا هناك والا هناك
ترى من الصعب تلقى من كثر حبي يحبونك
انا لاشفت زولك فز قلبي قبل اجيك وجاك
يفز القلب بأشواقه قبل لا اقول وشلونك
ربيع العمر وايام السعادة والمرح دنياك
عسى رب البشر ما يبعد ضعوني عن ضعونك
اليامنه سرى برق الحيا في مهجتي ناجاك
حضنته بالغرام وضحكتك والليل وشجونك
حبيبي لاعدمتك من حبيب ومستحيل انساك
ولو جار الزمن او طالت الغربة لمفتونك
